0
Posted July 5, 2014 in Amharic news
 
 

ከዲሞክራሲያዊ ለውጥ በኢትዮጲያ የድጋፍ ድርጅት በኖርዌይ በወያኔ እና በየመን መንግስት የተቀነባበረው የ አቶ አንዳርጋቸው ጽጌን መታፈንና አሳልፎ መስጠትን ኣስመልክቶ የወጣ መግለጫ!



ዲሞክራሲያዊ ለውጥ በኢትዮጵያ የድጋፍ ድርጅት በኖርዌይ በስልጣን ላይ ያለዉን የወያኔ ጉጀሌ ስረዓት ከስሩ ነቅሎን በመጣልና በምትኩ በኢትዮጵያ ዉስጥ በሕዝብ የተመረጠ ሰላማዊና ዲሞክራሲያዊ መንግስት ለመመስረት የሚታገሉ ድርጅቶችን መደገፍ ነዉ።ይህን እዉን ለማድረግና ኣንባገነናዊ ስርዓት ለማስወገድ ከሚታገሉት ድርጅቶች መካከል ድርጅታችን ከሚደግፋቸውና በቅርብ ኣብሮ ከሚሰራቸው የፖለቲካ ድርጅቶች ኣንዱ የሆነው የግንቦት 7 የፍትሕ፣ የነፃነትና የዲሞክራሲ ንቅናቄ ነው። የንቅናቄዉ ዋና ፀሕፊ የሆኑት ኣቶ ኣንዳርጋቸው ጽጌ በወያኔ መንግስት ደባ በየመን የፀጥታ ኃይሎች በሕገወጥ መንገድ መታገት ከተሰማበት ወቅት ጀመሮ የድጋፍ ድርጅታችን ኣባላቶችንና መላዉን የኢትዮጵያ ሕዝብ አስቆጥቷል።
የአቶ አንዳርጋቸዉ ጽጌን መታገትን በማስመልከት ሐሙስ፣ 03 ጁላይ 2014 በኦስሎ ኖርዌይ በብሪታኒያ ኤምባሲ ፊት ለፊት ታላቅ ሰላማዊ ሰልፍ በማድረግ ቁጣችንን ገልጸናል።
የየመን መንግስት ለወያኔ ቅጥረኛ በመሆን የዲሞክራሲና የነጻነት ታጋዩን አቶ አንዳርጋቸዉ ጽጌን ለወያኔ መንግስታት አሳልፎ መስጠቱ በሁለቱ እህትማማች ሀገሮች ለአመታት ዘልቆ የቆየዉን ወዳጅነት ጥቁር ጥላሸት የቀባዉ ሲሆን ይህ የቅጥረኞች ድርጊት የትግል ስሜታችንንም ሆነ ወኔያችንን ኣያቀዘቅዘውም። እኛ ዲሞክራሲያዊ ለውጥ አባላት ከእባብ እንቁላል እርግብ ጠብቀን ኣናውቅም። የየመን መንግስት የፈጸመው ታሪካዊ ስህተት ግን ቀን የማይሽረው ታርካዊ እዳ ያስከፍለዋል።
የትግል መሪያችንን በማሰር ትግላችንን ማሰር ኣይቻልም። ተስፋም ኣያስቆርጥም። በማይታመን እልክ ውስጥ ይህ ድርጊት የከተተን ሲሆን ኢትዮጵያዉያንን በአንድነት በማስተሳሰርና የትግሉ አካል በማድረግ እንደ ሰደድ እሳት ትግሉን ያፋፍመዋል እንጂ አያቀዘቅዘዉም። በተቃዉሞ ጎራ የተሰለፋትን ሁሉ ኣንድ ኣድርጎ ትግሉን በማሳደግ፣ የወያኔን ዘረኛ ቡድን ከኣገራችን ምድር ተጠራርጎ የሚወገድበትን ጊዜ የሚያሳጥረዉና ትግሉን የሚያፋፍመዉ እንጂ አንዳችም ትግሉን አይጎትተዉም።
ዉድ ኢትዮጵያዉያን ለዚህ ሀገራዊ ጥቃት አጸፋዊ ምላሽ ለመስጠት ጊዜዉ አሁን ነዉና ኑ እጅ ለእጅ ተያይዘን እንድንጐዝ ድርጅታችን ዲሞክራሲያዊ ለዉጥ በኢትዮጵያ ድጋፍ ድርጅት በኖልዌይ ጥሪዉን ያቀርባል።

ለኛም ኣንዳርጋቸው ጽጌ ኣንድ ግለሰብ ሳይሆን፣ ጽኑ መንፈስ ነው።

ሞት ለወያኔ ድል ለኢትዮጵያ ሕዝብ!!!

ዲሞክራሲያዊ ለውጥ በኢትዮጵያ ድጋፍ ድርጅት ኖርዌይ