1
Posted November 10, 2012 in News
 
 

እማማ ኢትዮጵያ!!!! ከማተቤ መለሰ ተሰማ


ሃገሪ ሃብቴ ነሽ ጥሪቴ፣
የአባቶቸ ውርስ ማንነቴ፣
ሁለመናየነሽ እናቴ።
ውብ አየርሽ ሲናፍቀኝ፣
ማነው እሱ ከትዝታሽ የሚያርቀኝ፣
የእኔ እነትሽን የሚነጥቀኝ።
በስደት ብኖር ከምር ብገፋ፣
ብጎሳቆልም ብከፋ፣
ፍቅርሽ ከውሰጤ አይጠፋ።
አዎ!! ሺጊዜ ወድቄ ብነሳ፣
መቸም አንችን አልረሳ፣
ምንም ቢበዛብኝ አበሳ።
ኢትዮጵያ እንዴት አድርጌ ልዘንጋሽ፣
ውስጤ ሠርጿል ጸጋሽ፣
በምን ይመዘናል ዋጋሽ?
ያለሀገሬ አይታወቅም ማንነቴ፣
መመኪያየ ነሽ ኢተዮጵያ እናቴ፣
ክብሪ ሞገሴ ኩራቴ።
ያነች ችግኝ ነኝ ያጸደቀሽኝ፣
አቅፈሽ ደግፈሽ ያሳደግሽኝ፣
አንደላቅቀሽ ያኖርሽኝ።
ከሸት ካዝመራሽ ተመግቤ፣
መልካም አየርሽን ጠግቤ።
በእንቁ በወርቅሽ አምሪ፣
ኖሪያለሁ ባንች ከብሪ።
መቸም አረሳው ውለታሸን፣
የእናትነት ፍቅርሽን።
አዎ!!አልረሳውም እናታለም፣
አለሽ በውሰጤ ለዘላለም።እኖራለሁኝ እንዲህ ናፍቄ፣
ፍቅርሽን በውስጤ ሰንቄ።
አካልሽ አካሌነው ልንገርሽ፣
ከምር ያመኛል ሲነኩሽ።
በአባቶቻችን ደም ተጠምቆ፣
የኖረው አንችነትሽ ደምቆ።
ዛሪ እንዲህ ሲዋረድ በባንዳ፣
ዝም ብየ በማየቴ አለብኝ ከፍየ የማልጨርሰው እዳ።
ኢትዮጵያ!እማማየ! ሀገሪ፣
አልረሳሽም እስከ ግባተ መቃብሪ፣
አልረሳሽም እስከ ግባተ መቃብሪ።
ማተቤ መለሰ ተሰማ
[email protected]