0
Posted October 6, 2016 in News
 
 

የዴሞክራሲዊ ለውጥ በኢትዮጵያ ድጋፍ ድርጅት በኖርዌይ የስታቫንገር ቅርንጫፍ ሰላማዊ ሰልፍና የሻማ ማብራት በደመቀ መልኩ ተካሂዷል፡ ፡


የዴሞክራሲዊ ለውጥ በኢትዮጵያ ድጋፍ ድርጅት በኖርዌይ የስታቫንገር ቅርንጫፍ ዛሬ ማለትም 06/10/16

ያዘጋጀው ሰላማዊ ሰልፍና የሻማ ማብራት በደመቀ መልኩ አካሂዷል፡ ፡

ዝግጅቱን የታደሙ ከስታቫነርና ከአጎራባች ከተሞች እርቀቱ  ሳያግዳቸው የተሰባሰቡ በርካታ ኢትዮጲያዊያን ታድመውበታል፡፡

አንባገነኑና ዘረኛው የወያኔ አገዛዝ በሃገራችንና በሕባችን ላይ እያደረሰ ካለው መጠነ ሰፊ ግፍና ሰቆቃ በተጨማሪ ከጫፍ እስከ ጫፍ ከጥግ እስከ ጥግ በሁሉም የሃገሪቱ ክፍሎች በዘረኛው ገዳይ አገዛዝ የሚደርሰውን ግድያ አውግዘዋል፡፡

በተጫማሪም ባሳለፍነው ሳምንት ቢሾፍቱ በእሬቻ የምስጋና በዓል ላይ የወያኔ ዘረኛ አገዛዝ በንፁሃን ወገኖቻችን ላይ ያደረሰው በሃገራችን ታሪክ በአስከፊነቱ ወደር ያልተገኘለትን የዘር ማጥፋት ጅምላ ግድያ ያንገበገባቸውና ያስከፋቸው የዚህ ሰልፍ አዳሚዎች ከልብ የመነጨ አዘናቸውንና ቁጣቸውን በመግለጽ ለወገኖቻቸው ያላቸውን አጋርነት አሳይተዋል፡፡

የቅርንጫፉ ዋና ሰብሳቢ አቶ አብዩ ጌታቸው ለሰልፉ አዳሚ አጠር ያለ ንግግር አድርገዋል፡፡ እንደሚታወቀው አሉ አቶ አብዩ ንግግራቸውን ሲጀምሩ

እንደሚታወቀው በመላ ሃገሪቱ የተቀጣጠለው ሕዝባዊ እምቢተኝነት የዘረኛውን የወያኔ አገዛዝ ከስሩ ነቅሎ ለመጣል አፋፍ ደርሷል፡  የወገኖቻችን ተጋድሎም ዘር ሃይማኖት ሳይለይ ኢትዮጲያዊያንን በአንድነት አስተሳስሮ የወያኔን ግባተ መሬት ለማፋጠን በሃገር ቤት ያለው ወገን የሞት ሽረት ትግል በማድረግ ላይ ይገኛል፡   በመላው አለም ያለው ወገን እያደረገ ያለው የደጀንነት እንቅስቃሴና ዘረኛውን የወያኔ አገዛዝ የገና ዳቦ ድርጎ መፈናፈኛ አሳጥቶታል፡፡

ካሉ በኋላ በሃገራችን ከግዜ ወደ ግዜ እየባሰ የመጣው ዘረኛው የወያኔ ቡድን በሕዝባችን ላይ እያደረሰ ያለውጅምላ ፍጅት በኛ የተባበረ ክንድ መገታት እንዳለበት አሳስበዋል፡፡ አገዛዙ የመጨረሻ ጠርዝ ላይ በመሆኑ በአማራ፣ በኦሮሞ እንዲሁም በተለያዩ የኢትዮጲያዊ ብሔሮች ላይ የሚያደርሰው ግድያ፣ እስራት፣ አፈናና ማዋከብ እድሜ ለማራዘም ካልሆነ ከውድቀቱ እንደማያድነው አጽእኖት ሰጥተው ለታዳሚው አብራርተዋል፡፡ ሲቀጥሉም ለጋራ ነፃነት በደምና በአጥንቱ ዋጋ እየከፈለ ላለው ወገናችን አስፈላጊውን ድጋፍ ሁሉ በማድረግ አላፊነታንን መወጣት እንዳለብን አስረደዋል፡፡

በተጨማሪም በስፍራው የነበሩ ኢትዮጵያዊያን ዘረኛው ቡድን በሕዝባችን ላይ የሚደርሰው ሞትና እንግልት የሚያማቸውና የሚሰማቸው እንደሆነ ገልጸው የነፃነትን አይቀሬነት በሙሉ ልብ በመግለጽ የነፃነት ትግሉን ለመርዳት ያላቸውን ቁርጠኝነት በማረጋገጥ የዝግጅቱ ፍጻሜ ኦኗል፡፡