0
Posted April 10, 2015 in News
 
 

ድል መሰዋህትነት ይፈልጋል!!!!


ለሃያ አራት አመታት የወያኔ ከፋፋይ አገዛዝ በሃገርና በህዝብ ላይ እያደረሰ ያለው በደል ከግዜ ወደ ግዜ መረን እየለቀቀ የለየለት የውንብድና ተግባር ሆኗል በየግዜው በህዝብ ላይ የሚደርሰው ግፍና ሰቆቃ እንዲውም በገዛ ሃገሩ እንደ ሁለተኛ ዜጋ እየታየ በነዚህ የአንድ ጎጥ ሰዎች እግር ከወርች ታስሮ የበይ ተመልካች መደረጉ ይታወቃል  ስለሆነም ይህንኑ ዘረኛ ስርአት በመቃወም ወይም ዜጎች በሃገራቸው መብታቸው ተከብሮና በነፃነት የመኖር ዋስትናቸው ተጠብቆ የሚኖሩባትን ዴሞክራሲያዊት ኢትዮጲያን ለመገንባት ከዚህ ዘረኛና ከፋፋይ ስርአት ጋር ህልህ አስጨራሽ ትግል ሲካሄድ ቆይቷል አሁንም በመካሄድ ላይ ነው

ሁኔታው ይለያይ  ደረጃው ይነስም ይብዛ እንጂ ድል መሰዋእትነት ይጠይቃል ከዚህ ከፋፋይ ስርአት ሃገርና ህዝብን ለመታደግ ውድ ሂወታቸውን ለመስጠት ቆርጠው በረሃ የወረዱ እንዳሉ ሁሉ የስርአቱን አስከፊነት ለማጋለጥ እንዲሁም ህዝብን ለማንቃትና እምቢኝ ለመብቴ እምቢኝ ለነፃነቴ የሚል ማህበረሰብ በማደራጀትና ለትግሉ ዋጋ በመክፈል የስርአቱን አውሬነት ያሳዩን የነፃነት ታጋዮች አሉን እንዲውም ሃሳባቸው በነፃነት የመግለፅ ሰዋዊ መብታቸውን በመጠቀም የስርአቱን አስነዋሪ ተግባራት በመንቀስ እርቃኑን ያስቀሩ  ይህንንም በማድረጋቸው ወደ ስርአቱ ማጎሪያ ካምፕ የተወረወሩ ብዙ ጀግኖች አሉን ሁሉም የሃገርና የህዝብ መብት ማስከበር ወይም ስለ ነፃነት መታገል በግል የተሰጣቸው አደራ ሆኖ  ሳይሆን  ጭቆናን የመሸከም መብትን አሳልፎ መስጠት የነሱ ያልሆነ ኢትዮጲያዊ ባህሪያቸው ስለሆነ ነው

አሁን ትግሉ መሬት ወርዷል ታጋዮችን ምን ሰሩ? ምን እያደረጉ ነው? ብሎ በየካፌው የመወያያ እርዕስ ማድረግ ሳይሆን ለዚህ ህዝባዊ ትግል ምን አደረኩ? ምን ላድርግ? በማለት የበኩሎትን አስተዋጽ የሚያደርጉበት ሰአት ላይ ነው ያለነው ድል መሰዋህትነት ይፈልጋል!!!

ስለሆነም የሃገሬ ጉዳይ ያገባኛል በህዝብ ላይ የሚደርሰው እንግልትና ስቃይ ያንገበግበኛል የምትል ኢትዮጲያዊ ሁሉ ለህዝባዊ ትግሉ ደጀንነትህን የምታስመሰክርበት ጊዜው አሁን ነው ብዙዎች ህይወታቸውን ሊከፍሉለት ለተነሱለት ትግል  የኔ ድርሻ ምንድን ነው ብለህ እራስህን ጠይቅ!!!! መልስህን ይዘህ አፕሪል 18 ስለ ኢትዮጲያ ወቅታዊ ሁኔታ በሚመከረበትና ሁለ ገብ ትግሉን ለመርዳት በሚደረገው የገቢ ማሰባሰቢያ ላይ ንቁ ተሳትፎ አድርግ ኢትዮጲያዊነትህን በቃል ሳይሆን በተግባር አስመስክር!!! እዛው እንገናኝ!

ድል ለኢትዮጲያ ሕዝብ!!!