0
Posted March 8, 2014 in News
 
 

የዲሞክራሲያዊ ለውጥ በኢትዮጵያ ድጋፍ ድርጅት ኖርዌ ሴቶች ክፍል አለም አቀፍ የሴቶች ቀንን በደማቅ ሁኔታ ተከበረ


የ ዲሞክራሲያዊ ለውጥ በኢትዮጵያ ድጋፍ ድርጅት ኖርዌ ሴቶች ክፍል በዛሬው እለት አለም አቀፍ የሴቶች ቀን ማርች 8, 2014 ምክንያት በማድረግ ዝግጅቱን በደማቅ ሁኔታ አከበሩ።

1112 1113 1114ዝግጅቱ ከቀኑ 11፡00 በዲሞክራሲያዊ ለውጥ የመሰብሰቢያ አዳራሽ የተከናወነ ሲሆን የዲሞክራሲያዊ ለውጥ በኢትዮጵያ ድጋፍ ድርጅት ኖርዌ ሊቀመንበር የሆኑት አቶ ዮሐንስ አጭር ንግግር ያደረጉ አድርገዋል። ሴቶቹም በኢትዮጵያ ውስጥ በሴቶች እህቶቻቸው ላይ እየደረሰ ያለውን ጭቆና እና የሰብአዊ መብት እረገጣ በማጋለጥና በመቃወም ገንቢ ውይይት ያደረጉ ሲሆን በተለያዩ ሴቶችም የተለያዩ ግጥሞች እና ንግግሮች እንዲሁም አዝናኝና አስተማሪ የሆኑ ጭውውቶች ፤ የጥያቄና መልስ ጊዜም ነበር በተጨማሪ የምሳና እና ሻይ ቡና ግብዣ አድርገው የጠዋቱ ዝግጅት በደመቀ ሁኔታ ተከናውኗል።

በመቀጠል ከ14፡00 ጀምሮ አጠቃላይ በአሉ በሚከበርበት ቦታ በመሄድ በተለያዩ የአረብ ሃገራት እንዲሁም በኢትዮጵያ ውስጥ በግፍ ህይወታቸው ላለፈውና ለሚሰቃዩ ሴቶች እህቶቻችን የአንድ ደቂቃ የህሊና ፀሎት በማድረግ እና የሻማ ማብራት ስነስርአት የተደረገ ሲሆን ጋዜጠኛ ገሊላ መኮንን እና የአዲሲቷ ኢትዮጵያ የጋራ ንቅናቄ መስራችና ሊቀመንበር የሆኑት አቶ ኦባንግ ሜቶ በዝግጅቱ በእንግድነት ተገኝተው ንግግር ያደረጉ ሲሆን የተለያዩ ሴቶችም በቦታው ንግግርና ግጥሞች የተደመጡ ሲሆን የተለያዩ መፈክሮችምን በመያዝ በኢዮጵያ ውስጥ በሴቶች ላይ ላይ እየደረሰ ያለውን የሰብአዊ መብት ጥሰት አጋልጠዋል።በመጨረሻም ዝግጅቱ በ17፡00 በተደገው የእግር ጉዞ በተሳካ ሁኔታ ተጠናቋል።