0
Posted November 9, 2012 in Amharic news
 
 

የወ/ሮ ላቀች ደገፉን ህልፈተ ህይወት አስመልክቶ ከዲሞክራሲያዊ ለውጥ በኢትዮጵያ ድጋፍ ድርጅት ኖርዌይ የተሰጠ የሃዘን መግለጫ


Democratic Change in Ethiopia Support Organization Norway

DCESON

(የወሮ ላቀች ደገፉን ህልፈተ ህይወት አስመልክቶ ከዲሞክራሲያዊ ለውጥ በኢትዮጵያ ድጋፍ ድርጅት ኖርዌይ የተሰጠ የሃዘን መግለጫ) to read PDF file press this link

ቁጥር፣00115/12

ቀን፣08/11/12


      የዲሞክራሲያዊ ለውጥ በኢትዮጵያ ድጋፍ ድርጅት ኖርዌይ  ወ/ሮ ላቀች ደገፉ የአንድነት ለዴሞክራሲና ለፍትሕ ፓርቲ (አንድነት)  በ2ዐዐዐ ዓም ሲመሠረት መስራች አባል ከ2ዐዐዐ-2ዐዐ4 ዓም ድረስ ለአራት አመታት በአንድነት ፓርቲ የሥራ አስፈፃሚ ኮሚቴ አባልነትና በሴቶች ጉዳይ ኃላፊነት ያገለገሉ፡፡ ከ2ዐዐ4 ዓም ጀምሮ በህመም ተሳትፎአቸውን እስካቆሙበት ድረስ በአንድነት ፓርቲ የፋይናንስ ቋሚ ኮሚቴና በህግና ሰብአዊ መብት ጉዳይ ቋሚ ኮሚቴ አባልነት በጽናትና በቁርጠኝነት ያገለገሉ ጠንካራ ኢትዮጵያዊ ታጋይ የዜና እረፍት ስንሰማ ልባችን ማዘኑና መነካቱን በስራ አስፈጻሚው እና በአባላት ስም እየገለጽን፡፡  

የወ/ሮ ላቀች ተግባር እነደሚመሰክረው የኢህአዴግ መግሥት በተደጋጋሚ ተቃዋሚዎችን በፖለቲካ አመለካከታቸው ሲያስር የታሳሪ ቤተሰቦችን በማጽናናትና ድጋፍ በማድረግ እንደሚታወቁ፡፡ የፖለቲካና የህሊና እስረኞችን እንግልትና መከራ ለማስታወስ በየወሩ የሚዘጋጀውን የሻማ ማብራት ምሽት ኮሚቴ በመምራትና በማስተባበር ከፍተኛ አስተዋፆ እንደሚያረጉ፡፡ በነበሩባቸው የፖለቲካ ፓርቲዎች ሁሉ ፓርቲውን ከማደራጀትና ከማስተባበር በተጨማሪ በማህበራዊ ጉዳይ ግንባር ቀደም አስተባባሪ  እነደነበሩ፡፡ በምርጫ ወቅትም ገቢ በማሰባሰብ መድረኮችን በማስተባበርና በመምራት ውጤታማ ተግባራትን እንደሰሩ ሲያረጋግጥ፡፡

ወ/ሮ ላቀች በአገሪቱ ውስጥ ፍትሓዊና ዴሞክራሲያዊ ስርዓት እንዲሰፍን ከነበራቸው ጽኑ እምነት በመነሳት በጽናት የታገሉና ያታገሉ ከፍተኛ አመራርና የህዝብ አለኝታ የነበሩ ቆራት ታጋይ ለእልፍ ታጋዮችም አርአያ ነበሩ፡፡

በመሆኑም በርሳቸው የተጀመረው የነጻነት እና የፍትህ የትግል ነበልባል በተጠናከረና በተቀናጀ መንገድ እንደሚቀጥል እናምናለን፡፡

የዲሞክራሲያዊ ለውጥ በኢትዮጵያ ድጋፍ ድርጅት ኖርዌይ  አባላትና አመራሮች በወ/ሮ ላቀች ደገፉ ሞት የተሰማንን ጥልቅ ሀዘን እየገለጽን ለኢትዮጵያውያን፣ ለትግል አጋሮቻቸው፣ ለቤተሰቦቻቸውና ለወዳጅ ዘመዶቻቸው መጽናናትን እንመኛለን፡፡

የዲሞክራሲያዊ ለውጥ በኢትዮጵያ ድጋፍ ድርጅት ኖርዌይ

                                                                                                                               ኖቬምበር 08፣ 2012